Pages

Sunday, May 27, 2018


როგორ აფასებენ მოსწავლეები საატესტატო გამოცდებს და რა რჩევებს აძლევენ მე-11 კლასელებს

გორის N 4 საჯარო სკოლის მოსწავლე შოთა პაპიტაშვილი საგამოცდო პროცესს შემართებით შეხვდა:
„თუ კარგად ხარ მომზადებული, არაფერია გადაულახავი. საშუალო სირთულის კითხვები შემხვდა, პასუხიდან გამომდინარე ართულებდა ან ამარტივებდა საკითხებს. ახალ შეფასების სისტემას ნამდვილად ვერ მოვიწონებ, რადგან ქულის გარეშე ჩაბარება მოტივაციას საგრძნობლად ამცირებს. არაფერი შეედრებოდა „კატის“ გამოცდაზე  გეოგრაფიაში სუფთა ათიანის მიღების სიხარულს, წელს კი უმაღლესი შედეგის ინტერესი არ მქონია.
მე - 11 კლასელებს ვურჩევ არ იჩქარონ, აცადონ სისტემას პასუხების გააზრება, რადგან შეცდომის შემდეგ კითხვები მარტივდება. არაფერია რთული, მთავარია ცოტა მონდომება.“
პატარა ონის საჯარო სკოლის მოსწავლე მარიამ სანთელაძე ერათდერთი მე -12 კლასელია და საატესტატო გამოცდებს მეზობელ სკოლაში აბარებს:
„ჩემი თანაკლასელები წინა წელს ქალაქში გადავიდნენ სასწავლებლად, სკოლაში მარტო მე ვარ მე-12 კალსის მოსწავლე და ფაქტობრივად, კერძო გაკვეთილები მიტარდებოდა. ახლა მეზობელ სკოლაში ვაბარებ საატესტატო გამოცდებს. ძალიან ჯანსაღი და მშვიდი საგამოცდო გარემოა. კითხვებს საშუალო სირთულით შევაფასებდი. რაც შეეხება შეფასების სისტემას, ვთვლი, რომ უმჯობესი იქნებოდა, ქულები მცოდნოდა, საკუთარი ცოდნის შესაფასებლად.
ტესტის დროს ყველაზე დიდი ხელისშემშლელი ფაქტორი ნერვიულობაა, შეიძლება, რაც იცი ისიც დაგავიწყოს. ამიტომაც, მე -11 კლასელებს ვურჩევ, არ იღელვონ და მაქსიმალურად გამოავლინონ საკუთარი ცოდნა.“ 
ქუთაისის N2 საჯარო სკოლის მე - 12 კლასის მოსწავლე ანანო შალამბერიძე საატესტატო გამოცდებზე ქულათა სისტემის დაბრუნებას ისურვებდა:
„გამოცდები სტანდარტული წესების დაცვით მიმდინარეობს. კითხვები არ გამრთულებია, თუმცა ვისურვებდი, რომ პროგრამას ეჩვენებინა სად დავუშვი შეცდომები. არ ვეთანხმები ქულათა შეფასების სისტემის გაუქმებას, ჩააბარა/არ ჩააბარა მოსწავლეებს მოტივაციას უკარგავს. 
მე-11 კლასელებს ვეტყვი, რომ რთული არაფერია, ყურადღებით გაიაზრონ კითხვა და არ ინერვიულონ.“
ახალციხის N5 საჯარო სკოლის მე - 12 კლასის მოსწავლე ხატია ნოზაძე საგამოცდო ღელვაზე საუბრობს:
„დიდი მღელვარებაა ეს დღეები სკოლაში, ბავშვები გამოცდებზე ვნერვიულობთ. საშუალო სირთულის კითხვები შემხვდა. საკუთარი თავის შესამოწმებლად ქულები მაინტერესებდა, მაგრამ ახალი შეფასება ამის საშუალებას, სამწუხაროდ, არ იძლევა.
მათ ვინც, ახლა აბარებს გამოცდას ვურჩევ, რომ არ ინერვიულონ და დადებითი განწყობით შევიდნენ ტესტირებაზე, მჯერა, ყველა დაბრკოლებას გადალახავენ.“
ბათუმის N17 საჯარო სკოლის მე - 12 კლასის მოსწავლე თეა ჭაღალიძე საატესტატო გამოცდების შეფასების ახალ სისტემას ემხრობა:
„საგამოცდო პროცესი წარმატებით მიმდინარეობს ჩვენს სკოლაში. კითხვები საშუალო სირთულისაა. ჩააბარა/არ ჩააბარა შეფასების სისტემაც მნიშვნელოვნად ამცირებს უხერხულობასა  და სტრესს. ყველა ერთმანეთს ვგულშემატკივრობთ. მთავარია, არ ვინერვიულოთ და საკუთარი ცოდნის მობილიზება შევძლოთ.“
წაღვერის საჯარო სკოლის მე - 12 კლასის მოსწავლე ლუკა ჩაჩანიძე საკუთარ გამოცდილებას გვიზიარებს:
„გამოცდებს ღელვა ყოველთვის თან ახლავს, მაგრამ, ზოგადად, პროცესი მშვიდ გარემოში მიმდინარეობს. საშუალო სირთულის კითხვები შემხვდა. ჩემს შემთხვევაში, პასუხიდან გამომდინარე მირთულებდა ან მიმარტივებდა საკითხებს. შეფასების ახალი სისტემა მომწონს, რადგან დაბალი ქულის მიღების შემთხვევაში, მისი თქმის უხერხულობას ხსნის.
 მე - 11 კლასელებს ვურჩევ, რომ არ ინერვიულონ და გააზრებულად აირჩიონ სასურველი პასუხი.“
რუსთავის N4 საჯარო სკოლის მე - 12 კლასის მოსწავლე ჯონი უბირიას თქმით, საატესტატო გამოცდები დარღვევების გარეშე, სტანდარტული პროცედურების გავლით მიმდინარეობს. კითხვები ოდნავ გართულებული ეჩვენა, რთული და მარტივი საკითხები შერეულად მისდიოდა, მაგრამ არაფერია შეხვედრია ისეთი, რაც პროგრამულად არ უსწავლია. 
რაც შეეხება ახალ, ჩააბარა/არ ჩააბარა შეფასების სისტემას, ჯონის აზრით, დადებითი და უარყოფითი მხარეც აქვს. დადებითია, რომ  მოსწავლეს ქულაზე არ უწევს ნერვიულობა, სხვა მხრივ კი, ახალმა მიდგომამ საატესტატო გამოცდებისთვის მზადების მოტივაცია მნიშვნელოვნად შეამცირა.
ჯონი მე - 11 კლასელებს, რომლებიც წელს აბარაბენ „კატის“ გამოცდებს ურჩევს, რომ არ იჩქარონ, კარგად გაიაზრონ შეკითხვა და ნერვიულობის გარეშე გასცენ პასუხი.

გამოყენებული მასალა

http://xn--lodhnhkf6a.xn--node/geo/main/index/1

No comments:

Post a Comment

შემაჯამებელი რეფლექსია

12.05.2018 -ში დავიწყეთ ისტ-ის ტრენინგი : ' ისტ-ის გამოყენება სასწავლო პროცესში', განვიხილეთ შემდეგი საკითხები: გაკვეთილის გეგმი...